fbpx
გუდაურისაინტერესოსპორტი

გუდაური გაიზრდება სამჯერ და იქნება კანონზომიერად განვითარებული კურორტი

1 Mins read

გუდაური გაიზრდება სამჯერ, მაგრამ ეს იქნება კანონზომიერად დაგეგმილი და განვითარებული კურორტი, სადაც ყველა საჭირო სივრცე მოეწყობა. ის უპასუხებს მსოფლიოში არსებულ ტრენდს, – ამის შესახებ პრემიერ-მინისტრმა, გიორგი კვირიკაშვილმა მთავრობის სხდომაზე განაცხადა. როგორც მან აღნიშნა, ის სამუშაო, რომელიც მთავრობამ კანადურ კომპანია „ეკოზაინთან“ ერთად განახორციელა, კურორტ გუდაურის გეგმაზომიერად განვითარების საშუალებას იძლევა.

„მოგეხსენებათ, რამდენად დიდ მნიშვნელობას ვანიჭებთ ქვეყნის სწორ სივრცით განვითარებას და განსაკუთრებით ჩვენს ზამთრის კურორტებს. საჭიროა იქ იყოს საცხოვრებელი ზონა, საჭირო რაოდენობით პარკინგი, საფეხმავლო ზოლები, სავაჭრო-გასართობი სივრცეები და ა.შ. კურორტის განვითარების სტიქიურად მიშვება მხოლოდ და მხოლოდ დეველოპერების ბიზნესინტერესებზე დაყრდნობით არასწორ შედეგს მოგვცემს. მე ვფიქრობ, რომ ის სამუშაო, რომელიც მთავრობამ კანადურ კომპანია „ეკოზაინთან“ ერთად განახორციელა, საშუალებას გვაძლევს, რომ გეგმაზომიერად განვავითაროთ გუდაურის უმნიშვნელოვანესი კურორტი. სამ ტერიტორიად იყოფა კურორტი. პირველი – ცენტრალური გუდაური, მეორე- ახალი გუდაური, რომელიც კურორტის მთავარი საფეხმავლო ცენტრი იქნება. საკურორტო დასახლების შენობების პირველ სართულებზე სავალდებულო წესით განთავსდება ტურისტული ინფრასტრუქტურა. მესამე – ეს არის კობი-გუდაურის საბაზო არეალი, რომელიც გუდაურის სათხილამურო არეალთან წვდომას გააუმჯობესებს. ჩრდილოეთის მხრიდან შემოვალ ტურისტებს კლიმატური პირობების მიუხედავად, საშუალება ექნებათ გონდოლის საშუალებით ძალიან მარტივად მოხვდნენ სასრიალო სივრცეში,“ – განაცხადა პრემიერ-მინისტრმა.

როგორც მთავრობის მეთაურმა აღნიშნა, ახალ საბაგირო გონდოლს დიდი ამწეობა ექნება და მისი მშენებლობა წელს დაიწყება. მისივე თქმით, ასევე იგეგმება ჩრდილოეთის ფერდობზე ტრასების განვითარება, რაც ძალიან მნიშვნელოვანია, ვინაიდან, პრემიერის თქმით, ჩრდილოეთის ფერდობს მზის მიდგომის კუთხით თოვლის შენარჩუნების გაცილებით ხანგრძლივი პოტენციალი აქვს.

როგორც გიორგი კვირიკაშვილმა განაცხადა, მისთვის ზამთრის კურორტების განვითარებას დიდი მნიშვნელობა აქვს, ვინაიდან 2023 წელს საქართველოში მსოფლიო ჩემპიონატის ჩატარება იგეგმება.

„გუდაური გაიზრდება სამჯერ, მაგრამ ეს იქნება კანონზომიერად დაგეგმილი და განვითარებული კურორტი, სადაც ყველა საჭირო სივრცე მოეწყობა. ის უპასუხებს მსოფლიოში არსებულ ტრენდს“, – აღნიშნა გიორგი კვირიკაშვილმა.

წყარო: IPN.GE

Related posts
საინტერესო

2025 წლის ევროპის ზამთრის ახალგაზრდულ ოლიმპიურ ფესტივალს ბაკურიანი უმასპინძლებს!

1 Mins read
პრეს-რელიზი დღეს გამართულ ევროპის ოლიმპიური კომიტეტების (EOC) 49-ე გენერალურ ასამბლეაზე მიღებული იქნა ჩვენი სპორტისთვის მეტად მნიშვნელოვანი გადაწყვეტილება – ბაკურიანს ოფიციალურად მიენიჭა 2025…
საინტერესო

ზამთრის კურორტები 2021 წლის 31 იანვრამდე არ გაიხსნება!

1 Mins read
საქართველოს მთავრობის მობილობის შემცირების ახალი სცენარის მიხედვით, ზამთრის კურორტების გახსნა 2021 წლის 31 იანვრამდე გადაიდო. COVID-19-ის გამო ბაკურიანში, გუდაურში, გოდერძიზე და სვანეთში…
საინტერესო

წერტილოვანი შეზღუდვები იქნება - რა დოზით შეეხება ეს ზამთრის კურორტებს, ამაზე ვმსჯელობთ

1 Mins read
წერტილოვანი შეზღუდვები იქნება. თუ რა დოზით შეეხება ეს ზამთრის კურორტებს, ამაზე ვმსჯელობთ და თქვენთვის ცნობილი გახდება, – ამის შესახებ ეკონომიკისა და მდგრადი განვითარების…
სიახლეების გამოწერა

ყველაფერი ზამთრის შესახებ თქვენს საფოსტო ყუთში.

კომენტარის დატოვება