No products in the cart.
2021 წელს სკი-ქროსის მსოფლიო თასის ეტაპი ბაკურიანში გაიმართება. ეტაპს საქართველო 26, 27 და 28 თებერვალს უმასპინძლებს. 28 თებერვლის შეჯიბრი განსაკუთრებული იქნება, რადგან ბაკურიანი შერეული ნაკრების გუნდურ შეჯიბრებას მსოფლიო თასის ფარგლებში პირველად უმასპინძლებს.
სკი კროსის შერეული ნაკრების შეჯიბრში თითო ქვეყნის ნაკრებიდან 2 გოგო და 2 ბიჭი იქნება გუნდში. როგორც კლასიკურ სკი კროსში, აქაც 4 სპორტსმენი დაეშვება ერთდროულად. შეჯიბრება მოიცავს ესტაფეტის პრინციპს, რაც ნიშნავს იმას, რომ სანამ ერთი გუნდის წევრი ფინიშს არ გადაკვეთს, მეორე სტარტს ვერ აიღებს. ბაკურიანისთვის 2021 წლის სეზონი საკმაოდ დატვირთული იქნება რადგან სათხილამურო ღონისძიებები მხოლოდ სკი ქროსის ეტაპით არ დასრულდება.
ყველა ზემოთხსენებული ღონისძიება FIS-ის მიერ შემუშავებული COVID-19 პროტოკოლის, წესებისა და რეგულაციების მკაცრი დაცვით ჩატარდება.
წყარო: საქართველოს სათხილამურო ფედერაცია